Nar nđaơ (8/7) tŏng du năm Tổng Bí thư Nguyễn Phú Trọng roh. Nuĭh ƀon lan lam dak mpoh su nhang nkah gĭt ndrô Tổng Bí thư Nguyễn Phú Trọng tâm nar ƀư nkah gĭt bôk năp. Cán bộ, đảng viên n’hanh nuĭh ƀon lan he nkah gĭt mro n’hanh ryơk du nău mĭn têh, gĭt blău têh bah cách mạng Việt Nam, nuĭh nău mĭn, nuĭh văn hóa, chông cờ lý luận bah Đảng. Đah rlău 57 năm Đảng, têh jêng tă ngăn ngên cách mạng, đồng chí Nguyễn Phú Trọng lĕ nsơr soan lôch nău rêh nơm an nău kan bah Đảng, bah rnoi nuĭh. Đồng chí lah nuih n’hâm uĕh ang đah nău rêh n’hanh nău lap bah du hê tahen cộng sản kiên trung, lĕ nuih n’hâm rhŏ an Neh dak, rhŏ nuĭh ƀon lan.

Ăp n’hâm soan, nsơr an dŭt têh bah ndrô Tổng Bí thư Nguyễn Phú Trọng mro mrăng mpeh đah Neh dak n’hanh nuĭh ƀon lan. Ndrô Tổng Bí thư Nguyễn Phú Trong lĕ n’glơi an âk drăp ndơ bah du nău mĭn têh, gĭt blău têh, nuĭh mĭn mhe, nuĭh văn hóa, chông cờ lý luận bah Đảng. Nău rêh n’hanh pah kan wa lah bah nuĭh đảng viên cộng sản kiên trung, geh nsing nơm têh, lah nuĭh rgum  tâm rnglăp, tâm ban ŭch bôk rngok bah lam Đảng, lam ƀon lan, lam tahen. Săk năm deh n’hanh nău kan, pah kan n’hanh nsơr soan, nău blău n’hanh nău rêh bah ndrô Tổng Bí thư Nguyễn Phú Trọng mbra hôm e ang mro tâm lịch sử uĕh ang bah Đảng he, rnoi nuĭh he, tâm nău nkah gĭt, ryơk bah cán bộ, đảng viên n’hanh nuĭh ƀon lan he, tâm nău rŏng bah băl bên lam ntŭr neh.