Măng ntri (2/7), Tổng Bí thư Tô Lâm hŏ geh rơh điện tâm nchră đah Tổng thống Hoa Kỳ Donald Trump mpeh tâm boh Việt Nam - Hoa Kỳ n’hanh tâm nchră mpeh sŏk soăy geh bu geh he bar dak. Ta rơh kuăl điện tâm nchră, Bar kruanh rđău kan mpơl nău rhơn bah năp nău hun hao dăng n’hanh uĕh lăng bah tâm boh bar ding. Tổng thống Donald Trump rnê âk nău Việt Nam ton geh nău dơi tât ntŭk tăch rgâl dơh an ndơ tăch bah Hoa Kỳ, tâm nê ndeh ô tô phân khối têh.

Păng lah rjăp Hoa Kỳ mbra koh n’hŭch âk sŏk soăy an âk ndơ tăch n’gluh bah Việt Nam n’hanh mbra tâm boh tay đah Việt Nam tâm nău nkra ăp kŏ kol khuch tât tâm boh tăch rgâl bar ding, lơn lah tâm ăp trong kan ma bar ding an ƀư lor. Tổng Bí thư Tô Lâm dăn đă mpeh Hoa Kỳ ơm kơp dơn Việt Nam lah dak wăng sa ntŭk tăch rgâl n’hanh ntlơi mpăng đêt tăch n’gluh đah du đêt ntil ndơ công nghệ mhe. Tổng Bí thư Tô Lâm n’hanh Tổng thống Donald Trump hŏ tâm ôp du đêt trong rƀŏng, trong nkra têh gay ntrŭt ntrôl tâm boh têh jong lam lĕ rngôch tâm ăp năm tât đŏng.