
Lơ 3/7, UBND n’gor Gia Lai ƀư Rƀŭn nchră uănh lah săk rnglăy hun hao wăng sa-rêh jêng 6 khay bôk năm n’hanh mbơh ƀư nău kan 6 khay dŭt năm 2025. Dĭng lĕ ndơ ta lam n’gor (GRDP) n’gor geh hao jêng 7,49%. Aơ lah rnoh dôl rhơn, ngăn lah rnôk n’gor mhe rlet rlău rgum nsum hành chính, an mông nar gay đăp mpăn n’gâng kan ƀĭt joet n’hanh trong ƀư mât uănh.

Dĭng lĕ sŏk an tơm prăk Ngih dak geh 13.656 rmen prăk, hao 37,3% nkôp đah rơh aơ, tâm nĕ nkual Bình Định rgop nklăp 10.000 rmen prăk. Prăk geh tăch n’gluh lam n’gor geh 1,686 rmen đôlar, hao rlău 21%. Kruanh UBND n’gor Phạm Anh Tuấn đă rgum ntrôl dăng rgâl trong mât uănh, đăp mpăn ăp rnoh an ƀư wăng sa-rêh jêng dơi mbơh ƀư săk rnglăy bah gưl n’gor tât bah dâng. Kruanh ăp nău kan an trok dơn na nê̆ mpeh săk rnglăy tĭng ntil nău, nkre ntĭm na nê̆ trong mbơh ƀư nău kan an ƀon lan, tâm di nău đă hun hao wăng sa-rêh jêng n’hanh rhŏ an nuĭh ƀon lan.
Viết bình luận