Kêng măng 3/7, ta Ngih Quốc hội, ƀư rơh rƀŭn giao ban n’gul gâl 6 khay bôk năm n’hanh mbơh ƀư nău kan ăp khay dŭt năm bah ăp ngih pah kan Quốc hội. Kruanh Quốc hội Trần Thanh Mẫn uănh lah prêh nuih n’hâm rgâl mhe, lĕ nău kan n’hanh săk rnglăy pah kan, rnê Văn phòng Quốc hội lĕ nchrăp mbơh uĕh nâp, an saơ na nê̆.

6 khay bah năp lah lvang geh nău têh khlay đah âk nău geh têh, tâm nĕ Quốc hội khóa 15, yơn geh âk nău kan chính trị têh, lơn lah 2 Rƀŭn nchră Trung ương 12 n’hanh 13; tâm nĕ, Rƀŭn nchră Trung ương 12 mbra tâm nchră nău ntrŭnh nkra rgâl Luật Neh ntu, Luật Dăp rgum. Kruanh Quốc hội đă ăp ngih pah kan mât uĕh nuih n’hâm nchrăp lor, nchrăp uĕh nkô̆ nău rhŏ ăp rƀŭn nchră n’hanh rơh rƀŭn Quốc hội dŭt năm.