Rơh rƀŭn gưl prêh BRICS 2025 ntơm ƀư tâm ôi 6/7 (mông dak nê) ta nkual ƀon têh Rio de Janeiro, Brazil. Aơ lah rơh hăn bôk năp bah Việt Nam râng rƀŭn đah nau ƀư lah dak kan nsum tâm rơh rƀŭn gưl prêh BRICS, du nau kan tâm boh âk ding đah ăp jâng văng sa mhe ntoh ndrel nar lơn ma geh nau rƀŏng têh n’ăp ma văng sa ndrel chính trị. Rơh rƀŭn gưl prêh BRICS 2025 geh nkô̆ “N’hao nau tâm boh phương Nam gay ntrŭt dăng nau mât ƀư dĭng lĕ ndrel nâp nâl lơn” lah ngoai tâm ăp nau kan âk ding khlay, geh nau râng bah 20 rđau kan gưl prêh bah ăp dak, Tổng thư ký Liên hợp quốc ndrel rđau kan bah âk ntŭk kan lam ntur neh.

Thủ tướng Phạm Minh Chính râng ndrel ntoh nau tâm nar rƀŭn nchră gưl prêh mpeh nkô̆: N’hao nau ƀư nau kan âk ding, ăp nau kan văng sa, tơm prăk ndrel nau blau njêng mhe; Ntŭk nti, COP 30 ndrel dak si lam ntur neh; Râng ndrel mbơh nau ton nsum bah ăp rđau kan mpeh tơm prăk ndrel trôk nar ndrel ndâk nau kan nsum BRICS mpeh nau jut jăng lơi srê ji tâm nau rêh. Tâm 2 nar tâm nchră, ăp dak kan nsum bah BRICS rgum tâm ăp nkô̆ nau n’hao tâm boh kan nsum tâm ăp nau kan, dak si, nau blau njêng mhe ndrel ntrơn rgâl trôk nar./.