Kêng măng 23/9, Tổng Bí thư Tô Lâm ndrel ăp mpôl đại biểu Quốc hội ntŭk kan săch mrô 1 nkual ƀon têh Hà Nội lĕ mâp nuĭh ƀon lan ta 11 phường gay mbơh nchrăp bôk nău kan rơh rƀŭn tal 10. Nuĭh ƀon lan mpŏng rơh nkra rgâl n’gâng kan ƀĭt joet mbra geh trong ndơ̆ neh dak hăn lăp rach năm hun hao mhe.

Âk nău rgop uănh lah prêh nău Bộ Chính trị an 7 nghị quyết khlay tâm năm 2025, ndrel nău Quốc hội khóa 15 êp uănh mĭn tay, mbơh an âk dự luật n’hanh nghị quyết têh. Mpeh ntrong ƀư n’gâng kan bar gưl mbơh ƀư bah 1/7/2025, nuĭh ƀon lan djôt dơn âk săk rnglăy na nê̆, lơn lah nău kơl mkra nău kơl tĭng Nghị định 178 n’hanh 67. Ndơn măt Mpôl đại biểu Quốc hội Hà Nội, Tổng Bí thư Tô Lâm mĭn lah ăp nău rgop di da dê, dơi Bộ Chính trị, Ban Bí thư ƀa ƀơ uănh tât, ntĭm rđău n’hanh mbơh n’glôn jêh gay đăp mpăn n’gâng kan ƀon lan ta ntŭk pah kan săk rnglăy, ntơm tâm di nău ŭch hun hao.