Ôi 23/9 ta Hà Nội ƀư rơh na nê̆ Đại hội đại biểu Đảng bộ Mặt trận Tổ quốc, ăp đoàn thể Trung ương rơh bôk năp năm kan 2025-2030, đah tât râng bah 346 đại biểu ntoh măt an rlău 5.000 đảng viên bah Đảng bộ. Samƀŭt mbơh ta Đại hội nkoch kloh: Năm kan bah năp, lam Đảng bộ lĕ mât uĕh nuih n’hâm tâm rnglăp, nchrăp lor, rgâl mhe, rgum ntĭm rđău lĕ rngôch nău ƀư tĭng nău kan chính trị n’hanh trong kan ndâk njêng Đảng, dơi geh âk săk rnglăy khlay. Ntoh lư kơt: Ntrôl dăng trong kan đăp mpăn rêh jêng n’hanh jut ngih rông mpông sat tă bah nău rgŏ jă ndâk ƀư, nkra rlău 180.000 rnăk jay tâm rnglăp an rnăk ach o.

Bah meng nĕ, âk ntrong ƀư groi nđôi săk rnglăy dơi mât n’hanh pơk hvi kơt: “Nuĭh ƀon lan groi nđôi cán bộ, đảng viên”, Mặt trận groi nđôi ntuh kơl nsum mpôl”, “Groi nđôi nău ƀư tĭng trong ƀư ƀon lan ƀư tơm ta bah dâng”... Râng n’hanh ntoh ngơi ntĭm rđău ta Đại hội, Tổng Bí thư Tô Lâm lah rjăp 3 nău mĭn êng ntĭm rđău đah lam Đảng bộ ta Đại hội đại biểu Đảng bộ Mặt trận Tổ quốc: nĕ lah sŏk ƀon lan ƀư tơm, n’gâng tơm, nău rƀŏng n’hanh nuih n’hâm bah rgâl mhe. Ăp nghị quyết, bôk nău kan ƀư an ơh nău: nău geh ngăn an ƀon lan, an tĭng nsum mpôl na nê̆. Pơk hvi ƀon lan ƀư tơm ta bah dâng, ntrôl tâm nchră đah kon nuĭh, hăn ndrel đah kỷ cường ƀư ngăn, ryơk pháp luật, ryơk êng n’hanh rgâl bah ntrong leo an săk rnglăy ngăn ngên; kơl lor ăp ntrong ƀư geh dơi pơk hvi ngăch, prăk dŏng tâm di, ntrŭt tât nău rêh, nsĭt tay nău geh ngăn an nuĭh ƀon lan. Tổng Bí thư đă mât uănh tay an nău rêh nuĭh ƀon lan đah 6 nău khlay ƀon lan dŏng n’hanh jao nău kan nuĭh tơm an tĭng rmôt đoàn thể mặt trận.