Kêng măng 24/9, ta Phường Buôn Ma Thuột, N’gâng kan Pâl n’aih Hà Nội tâm rgop nsum ma Sở Văn hoá, Thể thao ndrel pâl n’aih ăp n’gor Dak Lak, Gia Lai, Khánh Hoà, Lâm Đồng ndrel Quảng Ngãi ƀư rơh rƀŭn tâm mâp nchră, mbơh ndrel tâm boh hun hao pâl n’aih. Rơh rƀŭn gay n’hao nau nthoi, ƀư ueh nau dơi bah 6 n’gor, rƀŏng tât ndâk nau kan tâm rgop n’gor, nkuăl ân geh đăp mpăn, ueh, rgum tâm 4 rmôt: văn hoá, ndơ ơm; ntŭk pâl uănh; ngêt sa-rvăt năp; pâl n’aih geh nsum ma nau tâm nchră, rƀŭn ndrel thể thao.

Jêh rnôk mbơh ăp ntil ndơ ntoh lư, nkoch mbơh nau blau ndâk njêng pâl n’aih geh nsum ma nau ơm yau, tuch tăm, đă hun hao ntrong kan pâl n’aih mrô tam nau mât ndrel mbơh ân geh nau rgum nthoi ngăch, kloh đah ăp ntŭk kan ndrel năch pâl, n’gâng kan pâl n’aih Hà Nội ndrel Sở Văn hoá, Thể thao ndrel Pâl n’aih tâm 5 n’gor: Dak Lak, Gia Lai, Lâm Đồng, Quảng Ngãi, Khánh Hoà hŏ ký nau ton tâm boh hun hao pâl n’aih lvang năm 2026-2030. Aơ lah nhoat hăn khlay, rgop nau ƀư ueh nau tâm rgop, hun hao pâl n’aih nâp nâl tâm rơh tât./.