Kêng măng 24-9 ta Hà Nội, Tổng Bí thư Tô Lâm, Bí thư Quân uỷ Trung ương hŏ tât râng n’hanh geh nău lah ta Đại hội Tâm rlong geh nău dơi lam tahen tâl XI lvang năm 2020-2025. Tổng Bí thư Tô Lâm mbah rhơn ăp nău dơi ngăch prăl bah ăp đơn vị, ăp nuĭh n’hanh ăp mpôl hŏ dơi geh tâm trong leo ƀư tâm rlong geh nău dơi tâm bah ri aơ nơh; nkre an lah nău ring tam bah trong leo tâm rlong geh nău dơi mô dơn n’glĕ ta ntŭk gŭ rgum tahen ma hôm rêng nău nđơr tât ăp n’gâng kan, ăp n’gor, doanh nghiệp n’hanh nsum mpôl, rgop ƀư jêng rĭng grep tâm rlong rŏng dak lam ăp ntŭk lam dak tâm rdâk njêng n’hanh mât njrăng neh dak.

Gay ntik n’hao tay ăp nău dơi hŏ geh, Tổng Bí thư nkoch kloh nô nău lam ntŭr neh let năp tay krit jêr, tâm lơh công nghệ mhe hao âk; jêng ân rdâk njêng n’hanh mât njrăng neh dak tâm nô nău mhe tahen he ân nkre n’gâng tơm, đăng hăr, têh dăng mhe, nkre geh ngăch rplăch gĭt blău mbrô. Tâm rnôk nê tâm rlong geh nău dơi ân mpơl kloh: Rmôt tahen hăn lơh sŏk ntŭk nsing bah nău tiăr nti ngăn ngăn, grêt dăch tĭng nuĭh, grêt dăch tĭng ntŭk, krêp dêh ndrak nsiu, uănh ƀư tơm ndrak nsiu công nghệ mhe lah rnoh ân đă ƀư dơi, uănh nău jăp tĭng, đăp mpăn lah trong n’har khlay. Nkhêp geh rnôk dja, kruanh Bộ Quốc phòng hŏ ntăm an Cờ thi đua an 84 mpôl; ntăm an Bằng khen an ăp mpôl n’hanh ăp nuĭh yor geh âk nău dơi ngăch prăl tâm trong leo tâm rlong geh nău dơi lam tahen tâl 11./.