Ôi 23/9, UBND n’gor Dak Lak ƀư nkah gĭt 80 năm nar way ơm rmôt vũ trang n’gor n’hanh wơt dơn Huân chương Mât njrăng neh dak hạng nhì. Tă aơ tŏng 80 năm, jêh lơh dăng bah Cách mạng Khay 8, lơ 23/9/1945, Tỉnh bộ Việt Minh ntrŭnh ndâk njêng Ban Quân sự n’gor Dak Lak, n’gâng tơm lah Tiểu đoàn giải phóng quân N’Trang Lơng.

Rlet rlău ăp lvang, rmôt vũ trang n’gor ƀư tĭng nuih n’hâm cách mạng, geh âk nău rgop tâm ăp rơh tâm lơh n’hanh tâm nău kan ndâk njêng, mât njrăng neh dak. Rmôt vũ trang n’gor lĕ dơi Đảng, Ngih dak an âk ndơ nkhôm khlay kơt Huân chương Sao vàng, Huân chương Hồ Chí Minh, Huân chương Quân công, Ndơ nkhôm Ntŭk kan “Anh hùng lực lượng vũ trang nhân dân”. Rơh aơ, nkah gĭt 80 năm nar way ơm, Kruanh dak lĕ an Huân chương mât njrăng Neh dak hạng Nhì an N’gâng kan ntĭm rđău Tahen n’gor Dak Lak.