Kêng măng lơ 23/9, Thủ tưóng Phạm Minh Chính leo rơh rƀŭn nchră tal 14 bâh rnâng kan ntĭm leo ngih dak mpeh njrăng rdâng sŏk dŏng ndơ tui ka mô tâm di (IUU). Lôch bơi tât 8 năm mbơh tơih nău kan, âk trong kan tơm lĕ geh âk nău dơi yơn Việt Nam ê hŏ geh Uỷ ban châu Âu (EC) doh jăng nău “nchueng rvêl”. Nkô̆ nău tơm lah nău mât uănh, mât njrăng duk joi ka ê hŏ na nê̆, nău ƀư tih sŏk dŏng sŏk dŏng ta nkual dak lêng dak bah dih hôm nha geh âk, ngăn lah ta du đê̆ ntŭk dăch dak lêng. Thủ tướng lah na nê̆ nkô̆ nău kan ngăch ndal lah rgum doh nău nchueng rvêl, mât đăp mpăn nău knơm ngih dak n’hanh mât nău geh nâp nâl. Păng đă ăp gưl kan uỷ, ngăn lah nuĭh dâk leo bôk năp, n’hao nău mât njrăng, rgâl bâh sŏk dŏng ngai dak lêng tât mât rong, nkret njêng tui ka dăch kơh gay ma mât đăp mpăn nău rêh, đăp mpăn an ƀon lan joi ka n’hanh ntop an hun hao n’gâng kan tui ka ndrel đah mât nău ƀư tơm gôl dak, dak lêng, n’hao nău dơi kan bâh Việt Nam ta ntŭk kan lam ntur neh.