Ta rơh rƀŭn nchră ăp ntŭk kơt   Hà Nội, TP.HCM, Bắc Ninh, Nghệ An, Đắk Lắk... mbơh nău geh hun hao 6 khay bôk năm n’hanh tâm ton ƀư ăp trong kan an dơi geh nkô̆ mpŏng hun hao 8% năm 2025. Ndơn kan ntŭk kan ba dâng nkoch nău jêr tâm trong leo kan n’gâng kan 2 gưl, ngăn lah mô geh ntŭk kan thanh tra, đă n’hao biên chế way kan. Nglôch lôch, Thủ tướng Chính phủ Phạm Minh Chính uănh năl nău wăng sa, rêh jêng dôl ntơm hao ueh, đah 3  nkual hun hao ueh, nkuăl ƀon têh Hồ Chí Minh hao 7,82% , Hà Nội 7,63%. Thủ tướng  đă an geh leo kan tay n’gâng kan 2 gưl an ueh aih, mô an ƀon lan, doanh nghiệp geh ƀư mbrơi săm ƀŭt rhŏ, mât đăp mpăn rnă njrăng n’hanh nău ngăch ăp trong ntuh kơl.