Ôi 6/9, ta Lâm Đồng, Tổng Bí thư Tô Lâm ƀư rơh pah kan đah Ban thường vụ tỉnh uỷ Lâm Đồng n’hanh rnâng kan ăp tỉnh uỷ Bình Thuận n’hanh Dak Nông mpeh nô nău an ƀư ăp nghị quyết, n’glôch jêh bah Trung ương; nău dăp rgum tay nuĭh kan bah 3 n’gor nkre đah ƀư đại hội đảng bộ ăp gưl. Mbơh Tổng Bí thư, pe n’gor nsrôih an ƀư jăp ăp trong nchrăp têh bah Trung ương kơt Nghị quyết 60, nău ntrŭnh 45, N’glôch jêh 150... mpeh dăp rgum nhih pah kan gưl n’gor, glêh tam nuĭh kan, nchrăp đại hội Đảng ăp gưl.

Ăp đề án n’glăp gưl n’gor, mô ƀư gưl nkuâl, rdâk njêng n’gâng kan bar gưl dơi an ƀư răp jăp. Tổng Bí thư lah kloh, trong n’glăp pe n’gor gay jêng n’gor Lâm Đồng (mhe) lah nău n’glêh an têh, nkre geh nău nchrăp têh jong, nkre geh nău khlay gay n’hao nău tam,  nău dơi mât bôk kan. Nău n’glăp ăp nhih pah kan, mpôl kan ân dơi ƀư khoa học, kloh rvah, di ngăn. Ân sŏk nuih n’hâm uĕh long, nău dơi kan, nău nsing nơm, nău yach ngăch pah kan ƀư mâng weh dŭt têh tâm pă cán bộ. Nkre, ân dŭt  n’hâm uănh khlay trong kơl an cán bộ tâm săk an rlu, tâm rgâl ntŭk pah  kan. Ăp ntil nău kan ân ƀư nsing ta nuih n’hâm rŏng nuĭh, dơn kan, di quy định.