Ta rơh rƀŭn nchră, ăp đại biểu rgum tâm rgop nău mbơh tơih chính trị đah 17 nău mpŏng tơm khlăy n’hanh 5 rmôt nău kan, trong kan tơm. Rơh rƀŭn nchră lĕ dơn ngoăy âk đah nău kan njêng Đảng bộ n’gor Đăk Lăk mhe bâh nău kan dơn ngoăy Đăk Lắk n’hanh Phú Yên. Lôch pă dăp, lam n’gor mbra geh 108 rmôt kan Đảng bâh n’gor Ủy mât uănh, đah klâp ma 136.750 đảng viên. Ntoh ngơi lôch rơh rƀŭn nchră, Bí thư n’gor ủy Đăk Lăk Nguyễn Đình Trung đă Tiểu ban văn kiện geh rgum ăp nău rgop, ƀư lôch văn kiện ndŏ an Đại hội. Nău n’hao mpeh nău dơi geh bâh lĕ 2 n’gor lôch dơn ngoăy an geh hun hao lĕ rngôch n’hanh nâp nâl.