Thủ tướng lah na nê̆, dak lêng mô dơn lah ndơ khlăy bâh neh ntu ma hôm nha lah ntŭk ntơm bâh nău rêh, tâm rgop kon nuĭh n’hanh bri dak. Đah Việt Nam, rlău 3 rbăn km kơh dak lêng lah nău ntĭt mpeh văn hóa, huêng khlăy mpôl rnoi. Hun hao wăng sa dak lêng geh săk rnglăy, nâp nâl lah nău dŭt khlăy n’hanh nău săch kan jŏ jong gay ma Việt Nam jêng ngih dak geh dak lêng dăng, geh nău ŭch hun hao neh dak hun hao, nău geh âk ta năm 2045. Thủ tướng kuăl đă n’hao nău ntuh kơl mĭn uănh khao học dak lêng, mbơh ndŏ công nghệ, tâm mbơh rnoh mbrô n’hanh tă blău kan, rgum lĕ săk rnglăy ăp rnoh nuĭh kan gay ma hun hao wăng sa dak lêng nâp nâl, tâm ban, le rngôch n’hanh tâm rgop na nê̆ đah mât ueh ntŭk gŭ rêh ta dak lêng.