Ƀư nkah gĭt nar deh Tổng Bí thư Nguyễn Văn Linh
Thứ tư, 15:58, 02/07/2025 VOV/Nuĭh rblang: Y Sưng Phê Ja VOV/Nuĭh rblang: Y Sưng Phê Ja
VOV.M’nông - Ôi 1/7, N’gor ủy, HĐND, UBND, Ủy ban Trung ương MTTQ Việt Nam n’gor Hưng Yên ƀư nkah gĭt 110 năm nar deh Tổng Bí thư Nguyễn Văn Linh (1/7/1915-1/7/2025)-du hê cộng sản nâp nâl, du hê nuĭh kruanh gĭt blău, du nău rêh ang mpeh nău janh dăng cách mạng n’hanh lơn lah nuĭh lĕ rdâk lor n’hanh ntĭm rđău nău rgâl mhe neh dak.

Ôi 1/7, N’gor ủy, HĐND, UBND, Ủy ban Trung ương MTTQ Việt Nam n’gor Hưng Yên ƀư nkah gĭt 110 năm nar deh Tổng Bí thư Nguyễn Văn Linh (1/7/1915-1/7/2025)-du hê cộng sản nâp nâl, du hê nuĭh kruanh gĭt blău, du nău rêh ang mpeh nău janh dăng cách mạng n’hanh lơn lah nuĭh lĕ rdâk lor n’hanh ntĭm rđău nău rgâl mhe neh dak.

Ntoh ngơi ta nar ƀư, Tổng Bí thư Tô Lâm mĭn lah, ta nău ƀư Tổng Bí thư bah Đảng, đồng chí Nguyễn Văn Linh lĕ rdâk lor ăp nău ntrŭnh nkra rgâl têh, dôh rklaih ăp mpêr n’gar mpeh trong ƀư, rklaih soan nkra njêng, pơk hvi nău dơi ƀư tơm an bah dâng, rlong lor n’hanh jêh nĕ nâp nâl ăp nuĭh wăng sa bah dih quốc doanh, ndâk njêng trong ƀư ntŭk tăch geh nău mât uănh bah ngih dak, pơk hvi kan ndrel, nchrăp lor rgum lăp lam ntŭr neh. Lah rjăp, tâm rnôk lĕ rnoi nuĭh dôl ndrel soan dŭt n’hâm ƀư tĭng dơi Nghị quyết Đại hội rơh tal 13 bah Đảng, lam dak ntơm pơk dŏng ntrong ƀư ntŭk kan hành chính 2 gưl đah ntŭk ntô hun hao mhe, Tổng Bí thư Tô Lâm đă n’hanh mpŏng lĕ trong chính trị lơ an rdâk hao nuih n’hâm Nguyễn Văn Linh-nuih n’hâm rgâl mhe, nchroh di, khoa học, êp ƀon lan n’hanh ngăn ngên nâp nâl trong rêh hun hao wăng sa ntŭk tăch nchrŏng trong xã hội chủ nghĩa, yơn nkre ngăch, tâm di ngăch đah ăp trong công nghệ, prăk kaih kloh uĕh, rgâl mrô, wăng sa mrô, wăng sa tâm pleh; ndơ̆ tay neh dak rgum lăp jru hvi lơn n’hanh jâng chính trị lam ntŭr neh, jâng wăng sa lam ntŭr neh n’hanh trong nău uĕh blău kon nuĭh, gay nkôp đah ăp dak lam ntŭr neh.

 

VOV/Nuĭh rblang: Y Sưng Phê Ja

Viết bình luận

TIN CÙNG CHUYÊN MỤC