Ôi (9/7), ta Hà Nội, Ủy ban Trung ương MTTQ Việt Nam ƀư Tâm nchră Mpôl kruanh tâl puăn, khóa X. Ta tâm nchră tâl puăn khóa X, Mpôl kruanh Ủy ban Trung ương MTTQ Việt Nam an nău rgop tâm âk nkô̆ khlay kơt: Trong nchrăp rƀŏng trong pah kan Mặt trận năm 2026; Trong nchrăp Đề án ƀư Đại hội đại biểu MTTQ Việt Nam tât aơ tay; Trong nchrăp mbơh n’glôch jêh 10 năm tĭng ƀư Đề án mbrô 01, nar 5/5/2015 mpeh rgâl mhe pah kan nkoch trêng nău lư bah MTTQ Việt Nam; Mbơh lôch jêh tĭng ƀư Nghị quyết mbrô 18 mpeh tĭng ƀư dăp rgum, n’glăp ăp mpôl kan chính trị - rêh jêng kon nuĭh, ăp nsum mpôl dơi Đảng, Ngih dak jao nău dơn kan mpeh MTTQ Việt Nam.

Groi kruanh Ủy ban Trung ương  MTTQ Việt Nam Nguyễn Thị Thu Hà an gĭt tŏng di đah nău dơn kan tâm nô nău mhe, ntơm bah aơ tât lĕ năm 2025 n’hanh tâm năm 2026, lam trong kan Mặt trận an ƀư ra uănh tay, dăp rgum tay bôk kan tâm trôm mpeh MTTQ, ăp mpôl kan chính trị - lam rêh jêng kon nuĭh, ăp nsum mpôl ăp gưl tă bah Đảng, Ngih dak jao nău dơn kan.