Măng 17/8, ta Quảng Ninh, Thủ tướng Chính phủ Phạm Minh Chính râng ƀư mbơh Rmôt ntŭk ơm yău Yên Tử-Vĩnh Nghiêm-Côn Sơn, Kiếp Bạc dơi UNESCO nchih săk Drăp ndơ Văn hóa Lam ntŭr neh. Ntoh ngơi ta nar ƀư, Thủ tướng rnê rhơn Đảng bộ, n’gâng kan n’hanh nuĭh ƀon lan Quảng Ninh ndrel ăp ntŭk lĕ nsrôih tâm rnôk ƀư samƀŭt rhăch nău.

Thủ tướng đă ngih pah kan dơi kan ndăn jêh trong pháp luật, trong ƀư mât uănh ta gưl ngih dak n’hanh ƀon lan, nău ntrŭnh kloh na nê̆ lĕ đah nău kan ăp ngih pah kan geh tât, tâm rgop ndrel nsum mpôl mât ndrăy drăp ndơ yău. Nkre, an năl tŏng ăp geh nău khuch tât drăp ndơ yău, ndâk njêng trong nchrăp ƀư nking n’gang, n’hŭch mâp trôk nar lơh, n’hôl ƀô n’hanh mât uănh uĕh rnoh năch. Nău rmôt ntŭk ơm yău dơi kơp dơn drăp ndơ lam ntŭr neh mĭn lah nău khlay ntoh lư lam ntŭr neh, nkre nta an hun hao pâl nđaih, văn hóa n’hanh wăng sa-rêh jêng nâp nâl.