Lơ 19/8, n’gor Gia Lai ƀư ntơm ƀư âk nău nchrăp ƀư khlay, mbah rhơn 80 năm Cách mạng Khay 8 n’hanh Quốc khánh 2/9. Tâm nĕ geh 2 nău nchrăp ƀư khlay lah Trong mpăr jŭr mrô 2 ndrel ăp ndơ ƀư rĭng tâm ban ta Tach ndeh păr Phù Cát (dĭng lĕ rnoh ntuh kơl rlău 3.200 rmen prăk) n’hanh nău nchrăp ƀư Nkual Công nghiệp Phù Mỹ.

Nkre n’gor ntơm ƀư 6 nău nchrăp ƀư êng geh: Nkual nkret njêng ndơ lŏ mir si glê rgum Vinanutrifood, Ndâk ƀư n’hanh Tăch rgâl ngih wâl kỹ thuật rkum công nghiệp Bình Thành, nău nchrăp ƀư trong nthoi mpeh bah dâng luh nar n’gor tât trong mper dak lêng ta Phù Mỹ, ndâk ƀư tăch rgâl ngih wâl kỹ thuật rkum công nghiệp Cát Hiệp, Rkum công nghiệp Cát Hanh, ndâk ƀư trong dêr mpeh bah dâng xă Phú Phong. Ăp ndơ ƀư mô knŭng ntrŭt hun hao ntung trong-tach ndeh păr ma hôm pơk trong hăn mhe an công nghiệp, logistics n’hanh ŭnh nar kloh uĕh bah n’gor.