N’gor Lâm Đồng ntrŭnh ƀư ntŭk rgum ntĭm nti Thể thao neh dak ta Đà Lạt. Bôk nau kan yor Bộ Văn hoá, Thể Thao ndrel Pâl n’aih ƀư tơm ntuh kơl, geh ndâk tâm rnoh neh rlau 10 ha tâm Phường Langbiang-Đà Lạt, rnoh ntuh kơl bơi tât 300 rmen. Bôk nau kan geh 3 ntŭk tơm: B1, B2 ndrel B3. Tâm nê, ntŭk B3 mhe geh ndâk ƀư, rnoh hvi bơi tât 3.5 ha, geh ntŭk re dak geh nkŭm, ntŭk nti golf. Ntŭk B3 geh rnoh rlau 3,7 ha, geh ăp ngih tâm rlong âk ntil geh ndâk tâm khay 10 năm 2023 ndrel nchrăp jêh tâm dŭt năm aơ.

Ntŭk B1 geh nkra gay ndâk ngih gŭ ân ăp nŭih ntĭm nti ndrel nŭih tât râng rlong, ndrel ăp ntŭk ƀư kơl an, nchrăp geh nkra tâm dŭt năm 2026. Nau kan aơ geh ntuh kơl tĭng trong ueh, mhe ndrel tâm ban, đăp mpăn ăp nau tŏng dơi bah neh dak ndrel lam ntur neh. Ntŭk aơ kơl an nau kan ntĭm nti, tâm rlong thể thao geh nau dơi prêh ndrel rêng nau kan nchiăr nti săk soan tâm ƀon lan, geh nsum ma hun hao pâl n’aih ndrel nau ơm yau, rgop tâm nau hun hao văng sa, rêh jêng bah neh dak lah nsum, bah Lâm Đồng ndrel nkuăl lah êng./.