Ntoh ngơi ta rơh lễ, Tổng Bí thư lah na nê̆: soan dăng mât neh dak xã hội chủ nghĩa ntơm bâh ƀon lan, yor ƀon lan, knơm ta ƀon lan, geh nău knơm tâm ƀon lan, lah nău kan tơm khlăy, nău nsing nơm nâp nâl ngăn. Ndơn kan an nuĭh leo kan Đảng, Ngih dak pă Huân chương Sao vàng tal 5 pă an mpôl kan công an nhân dân, Tổng Bí thư đă lĕ mpôl kan rgum ƀư tĭng 8 nău kan, trong kan tơm,tâm nĕ geh lah na nê̆ nău kan ƀư jăp đah neh dak, đah Đảng, đah ƀon lan n’hanh chế độ xã hội chủ nghĩa,nâp joat tĭng nău đăp mpăn mpôl rnoi ndrel đah chủ nghĩa xã hội. Ăp cán bộ, tahen an geh gĭt na nê̆ nău mĭn kan “ƀon lan ƀư tơm”, geh nău ueh di bâh ngih dak, mpôl rnoi, ƀon lan hăn lor bôk năp, ntop mât nâp rnă njrăng đăp mpăn, mât ueh nău rêh đăp mpăn.