Lơ 19/8, Rnâng kan mât nau kan văng sa ndrel ntŭk kan công nghiệp khánh Hoà tâm rgop ma rmôt hăn kan bah rmôt kan ExxonMobil (Hoa Kỳ) hăn mêt uănh nau kan tâm nkuăl Nam Vân Phong. Rmôt hăn kan hŏ mêt yănh tâm ntŭk geh dơi, hvi, rnoh dak lêng jru, ntrong hăn ntŭk ntu nơih. Tĭng nau đă, Bôk nau kan ExxonMobil geh rnoh ntuh kơl nklăp 10 rmen đôla, geh ăp nau: Ngih trih pring mhe, ntŭk prăp, ndrâm dak ndrel ntŭk ƀư nau kan kơl njêng êng. Aơ mra lah ngih máy trih pring kơt lah mô geh ƀư hôl khih bôk năp tâm lam ntur neh bah ntŭk kan aơ, lah geh ƀư ta Việt Nam.

Tĭng ăp nŭih ƀư kan, Nam Vân Phong n’gor Khánh Hoà geh ân lah ntŭk ueh, mpêt geh gay dơi hun hao ăp rmôt ƀư nau kan công nghiệp trih pring têh, rnơm nau geh dơi đah ăp trong hăn dak lêng bah dak ba dih, nau ueh mô geh sial, jru ueh lôch năm ndrel neh êp nê nơih ân nau pơk hvi tĭng ăp rnôk. Ntŭk aơ mra ƀư ăp ntrong nthoi hăn jâng, trong loih, tŏng dơi nau nchuăn rdeng âk pring ndrel ăp ndoh ndơ têh, jâk./.