Nar 9/7, ta nhih pah kan Chính phủ, Thủ tướng Phạm Minh Chính, Kruanh Ban rđău đă ăp ntŭk kan rgum tơm, trong nchrăp kan têh gưl neh dak mpeh trong loih, ƀư tơm Tâm nchră pơk sŏng dăng rơh hop tâl 3 bah Ban rđău đă. Tâm bah ri aơ nơh, Quốc hội hŏ n’gluh an dŏng ăp Nghị quyết mpeh trong nchrăp ntuh kơl trong loih cao tốc ta njăr trong Bắc -Nam; Nghị quyết mpeh trong nchrăp ntuh kơl trong loih Lào Cai - Hà Nội - Hải Phòng n’hanh Nghị quyết mpeh trong du đêt trong tĭng, trong kơl mha êng, lơn lah gay hun hao lam trong loih nkual ƀon têh ta Hà Nội, nkual ƀon têh Hồ Chí Minh.

Tâm let năp tay, Thủ tướng Chính phủ Phạm Minh Chính an lah nău dơn kan bah Ban rđău đă lah dŭt n’hâm jâk r’ah, tơm khlay, jăch ndăn, dăn đă ăp nuĭh tâm Ban rđău đă ntik n’hao tay nuih n’hâm dơn kan âk. Thủ tướng dăn đă ăp gưl ủy đảng, n’gâng kan ta ntŭk an ƀư pah kan đă ntrơn du; tâm nê êng uănh khlay tât pah kan ntrơn ntŭk gŭ mhe, ntop kơl đăp mpăn ƀư njêng tuch tăm gay nuĭh ƀon lan geh ntŭk gŭ, nău kan n’hanh joi trong rêh mhe dŭt đêt dah mô lah rlău ntŭk ơm.