Kêng măng 1/7, N’gor ủy Dak Lak ƀư rƀŭn nchră rơh bôk năp Ban Thường vụ N’gor ủy khóa 17. Rƀŭn nchră gay tâm nchră n’hanh ƀư rgop nău mpeh Dự thảo trong ƀư pah kan bah Ban Chấp hành Đảng bộ n’gor năm kan 2020-2025 n’hanh âk nkô̆ nău khlay êng. Dự thảo geh 5 chương, 25 điều, ntrŭnh kloh na nê̆ nău kan, nău dơi, nău tâm boh pah kan đah ăp ngih pah kan tâm n’gor n’hanh Trung ương, đăp mpăn ƀĭt joet săk rnglăy, dơh đêt tŏng ap.

Ntoh ngơi ntĭm rđău, Bí thư N’gor ủy Nguyễn Đình Trung đă ăp ủy viên Ban Thường vụ mât nuih n’hâm lĕ đah nău kan, leo lor, tâm rnglăp n’hanh ƀư rjăp nău ntrŭnh gay mbơh ƀư nău kan soih na nao. Ta rƀŭn nchră, Ban Thường vụ lĕ mbơh an nău ntrŭnh ndâk njêng Ban ntĭm rđău hun hao khoa học, công nghệ, rgâl mhe n’hanh rgâl mrô bah n’gor; an rgop nău mpeh gưl kan, nău kan bah Ban ntĭm rđău; uănh mĭn tay bôk nău rƀŭn nchră rơh bôk năp Ban Chấp hành Đảng bộ n’gor n’hanh trong kan cán bộ ndrel du đêt nkô̆ nău êng.