Kêng măng 1/7, Tổng Bí thư Tô Lâm lĕ tât uănh nđôi nău ƀư bah n’gâng kan ƀon lan 2 gưl ta xă Phúc Thịnh, Ntŭk rhŏ nău kan hành chính công trong Võ Chí Công n’hanh phường Tây Hồ (Hà Nội). Aơ lah nar pah kan bôk năp jêh rnôk nglăp nsum ntŭk kan hành chính. Ta ăp ntŭk tât, Tổng Bí thư uănh lah prêh trong kan nchrăp bah nuĭh kan, ngih wâl tât kơt dŏng công nghệ mrô mkra samƀŭt hành chính.

Nău kan bah ntŭk kan mhe ƀư soih na nao, cán bộ mkra ngăch ăp nău đă bah nuĭh ƀon lan n’hanh doanh nghiệp. Tổng Bí thư lah rjăp an lôch jêh tay ndoh ndơ kỹ thuật, mô an tăch proăt nău kan; uănh njrăng n’gâng kan ta ntŭk an sŏk nău ŭch bah nuĭh ƀon lan ƀư mâng treh weh lor uănh lah cán bộ, công chức. Lơn lah, xă Phúc Thịnh an uănh khlay tâm rnglăp tâm Ban Chấp hành, Ban Thường vụ, đăp mpăn n’gâng kan ƀĭt joet săk rnglăy, na nao, tâm di nău đă rhŏ an ƀon lan tâm lvang rgâl.