
Kêng măng 1/7, Kruanh Quốc hội Trần Thanh Mẫn ndrel mpôl đại biểu Quốc hội nkual ƀon têh Cần Thơ mâp nuĭh ƀon lan ta xă Vị Thủy, nkual ƀon têh Cần Thơ. Ta nar mâp, Kruanh Quốc hội mbơh săk rnglăy jêh rơh rƀŭm tal 9, Quốc hội khóa 15 n’hanh rblang na nê̆ nău ntrŭnh nglăp nsum n’gor, nkual ƀon têh lah trong ƀư têh khlay, gay đêt n’gâng kan, n’hao săk rnglăy mât uănh, rhŏ uĕh lơn an nuĭh ƀon lan n’hanh doanh nghiệp.

Kruanh Quốc hội đă Cần Thơ ntrôl dăng nkoch trêng, kơl nuĭh ƀon lan wât kloh nău rƀŏng, nkô̆ nău bah nău nglăp nsum. Nkre, mât uĕh nău dơh bah n’gor, ntop kơl ndrel gay ntrôl hun hao wăng sa-rêh jêng, n’hao nău rêh nuĭh ƀon lan. Gay geh nău rƀŏng jêng neh dak rĭng geh âk tâm năm 2030, Cần Thơ geh hao jêng wăng sa bah 8% let lơ aƀaơ n’hanh hao jêng 2 mrô tâm lvang năm 2026-2030, tâm ban rnoh rĭng geh lam dak.
Viết bình luận