Ôi 2/7, ta Hà Nội, Tổng Bí thư Tô Lâm, Kruanh Ban Rđău đă Trung ương mpeh hun hao khoa học, công nghệ, rgâl mhe n’hanh rgâl mbrô ƀư tơm Tâm nchră sơ kết 6 khay bôk năm n’hanh an ƀư nău dơn kan let năp tay.

Tổng Bí thư rnê âk nuih n’hâm pah kan răp jăp, lĕ nuih n’hâm bah ăp đại biểu n’hanh mpư rnê ăp nău dơi geh bôk năp di ma rhơn tâm nău tĭng ƀư rgâl mbrô tâm bah ri aơ nơh; lah rjăp aơ lah nău rsang rnglăy luh bah nău nđơr geh an lĕ nău gĭt blău bah lam trong kan chính trị, nuĭh ƀon lan n’hanh doanh nghiệp. Tâm let năp tay, Tổng Bí thư đă rgum an ƀư 8 nău dơn kan rgum tơm, mpư n’hao nău khlay bah nuĭh mât bôk, n’hao âk nău dơn kan, nău nsrôih chính trị n’hanh dŏng công nghệ, mât prăp nău lư gay mât geh nău tam, lơn lah tâm rnôk n’gâng kan  bar gưl. Nkre, Tổng bí thư đă Ban Tuyên giáo, Dân vận Trung ương ntrôl dăng nkoch trêng mpeh rgâl blău ƀư mhe, lơn lah trong đă tĭng dơn lĕ nău rmoh rman gay rdâk nâp nău nsing nơm lam rêh jêng kon nuĭh n’hanh doanh nghiệp tâm trong kan khoa học công nghệ.