Dăch ƀon lan, dơh doh rklaih đah ăp nău kan ƀư săm ƀŭt rhŏ ngăch an ƀon lan lah nău ŭch bâh âk ƀon lan rnôk tât ta ntŭk kan hành chính ta ăp xã phường mhe. Gay ma dơi geh leo ƀư nău kan hành chính ta ntŭk kan ba dâng 2 gưl geh săk rnglăy, thường trực n’gor ủy Lâm Đồng lĕ pă hăn uănh nđôi ta âk xã, phường. Tât uănh nđôi ta phường Xuân Trường, wa Hồ Văn Mười, Kruanh UBND n’gor Lâm Đồng lĕ tât ôp khâl, n’hao nuih n’hâm ƀon lan, nuĭh ƀon lan tât ƀư săm ƀŭt kan ta ntŭk kan Hành chính công. Kruanh UBND n’gor Lâm Đồng lĕ ntĭnh ntăn mpôl cán bộ, nuĭh leo kan, nuĭh pah kan ta phường Xuân Trường an geh nsrôih, ƀư răng dăng, tâm rnglăp, tâm pêt “Ndrel nsum tâm têk ti” gay ma ƀư dơi nkô̆ mpŏng kan kơl an ƀon lan, hun hao ta ntŭk n’hanh ntop an hun hao neh dak.