Wa Rah Lan Chung ƀư Kruanh HĐND n’gor Gia Lai
Thứ tư, 15:58, 02/07/2025 VOV Tây Nguyên/Nuĭh rblang: Y Sưng Phê Ja VOV Tây Nguyên/Nuĭh rblang: Y Sưng Phê Ja
VOV.M’nông - Wa Rah Lan Chung, Groi Bí thư Rnâng kan N’gor ủy dơi ntĭm đă ƀơ Kruanh HĐND n’gor Gia Lai (mhe) năm kan 2021-2026;

Ôi 1/7, HĐND n’gor Gia Lai (mhe) ƀư Rơh rƀŭn bôk năp, năm kan 2021-2026. Aơ lah rơh rƀŭn geh nkô̆ nău chính trị, pháp lý n’hanh ngăn ngên dŭt khlay, uănh lah njoat hăn têh tâm rnôk ndâk njêng n’gor Gia Lai (mhe), rƀŏng tât hun hao ngăch, nâp nâl, hao prêh nkual n’hanh lam dak. HĐND n’gor Gia Lai (mhe) khóa 12 geh 119 đại biểu.

Ta rơh rƀŭn, HĐND n’gor lĕ mbơh Nghị quyết bah Ủy ban Thường vụ Quốc hội mpeh nău ntĭnh đă ăp gưl săk kruanh HĐND n’gor. Tĭng nĕ, wa Rah Lan Chung, Groi Bí thư Rnâng kan N’gor ủy dơi ntĭm đă ƀơ Kruanh HĐND n’gor Gia Lai (mhe) năm kan 2021-2026; wa Trương Văn Đạt, Ủy viên Ban Thường vụ N’gor ủy n’hanh wa Huỳnh Thúy Vân, Tỉnh ủy viên dơi ntĭm đă ƀư Groi Kruanh HĐND n’gor Gia Lai (mhe). Ủy ban Thường vụ Quốc hội ntĭm đă wa Đinh Ly An mât ƀư Kruanh Ban Pháp chế; wa Phạm Tấn Thành mât ƀư Kruanh Ban Kinh tế-Ngân sách; wa Huỳnh Ngọc Hà mât ƀư Kruanh Ban Văn hóa-Xã hội bah HĐND n’gor Gia Lai (mhe) năm kan 2021-2026. Ntoh ngơi dơn nău kan, wa Rah Lan Chung, Kruanh HĐND n’gor Gia Lai (mhe) an gĭt đah nău ƀư nău nău mbak kan dơi jao, wa mbra ndơn ăp săk rnglăy bah ăp năm kan bah năp, djôt lĕ nău blău, bôk rngok n’hanh nuih n’hâm gay rhŏ an ƀon lan, tâm di lah nuĭh đại biểu ƀon lan đă, lôch uĕh nău kan dơi jao.

 

VOV Tây Nguyên/Nuĭh rblang: Y Sưng Phê Ja

Viết bình luận

TIN CÙNG CHUYÊN MỤC