N’gor Gia Lai dôl ntrôl dăng dăp tay ntŭk kan hành chính gưl xă tĭng trong đêt, dơh ngăch, tŏng ăp, n’hŭch bah 218 jŭr hôm 77 ntŭk kan, jêng an n’gâng kan 2 gưl pah kan tam, săk rnglăy. Tĭng bôk nău rgop an tâm nchră lĕ dơi mbơh an, ntrong ƀư n’gâng kan gưl xă mhe bah Gia Lai geh biên chế rĭng 32 nuĭh du xă (mô geh n’ăp khối Đảng, đoàn thể). Rmôt kruanh gưl xă mhe kơt tĭng tâm di tâm ban gưl nkuăl aƀaơ.

Lĕ rngôch biên chế gưl nkuăl aƀaơ mbra dơi đă sĭt gưl xă mhe gay ƀư n’gâng tơm an n’gâng kan, gay n’hao blău pah kan. Tâm ban đah đêt dơh ngăch tŏng ăp n’gâng kan, n’gor ntrôl ngăch kơp uănh tay n’hanh nchrăp trong mkra drăp ndơ ngih dak jêh nglăp nsum. Wa Đỗ Việt Hưng-Giám đốc N’gâng kan prăk kaih Gia Lai an gĭt, N’gâng kan dôl tâm rgop đah ăp ntŭk gay kơp uănh lĕ rngôch drăp ndơ ngih dak n’hanh nchrăp trok tơm prăk, ndâk ƀư trong mkra tâm di.