Kêng măng 11-6 ta Hà Nội, Tổng Bí thư Tô Lâm tât khâl n’hanh ƀư tơm rơh pah kan đah Ban Tuyên giáo n’hanh Dân vận Trung ương mpeh nô nău tĭng ƀư nău dơn kan lôch n’glăp nsum.

Tổng Bí thư rnê âk nău Ban Tuyên giáo n’hanh Dân vận Trung ương hŏ ngăch đăp mpăn nuĭh kan, glêh tam, dăp rgum rmôt cán bộ, lĕ nuih n’hâm tĭng ƀư nău rđău đă bah Bộ Chính trị, Ban Bí thư tĭng di nuih n’hâm “Nkre nchuăt nkre dăp mbor”. Tổng Bí thư Tô Lâm dăn đă, let năp tay lam n’gâng kan Tuyên giáo n’hanh Dân vận gŭ mĭn rgâl mhe tay nău mĭn bah nău way ơm jêng uĕh mhe, tŏng đah nău ŭch geh nar lơn ma âk tâm rnôk hun hao neh dak; lơn lah rdâk njêng rmôt kan lĕ nuih n’hâm rhŏ dŏng an ƀon lan, way rƀŏng sĭt mpeh tâm dâng krêp dêh đah ƀon lan.