N’gor Kon Tum dôl ndăn ngăch ƀư wat jêh nău nchrăp gay 40 xã, phường mhe lăp kan ngăn ntơm bah nar 1/7 tât. Tât aƀaơ, 10 nkuâl, nkual ƀon têh hŏ ra uănh tay ăp tŏng, uănh năl rmôt cán bộ, công chức, viên chức; lôch jêh trong nchrăp nuĭh kan Chấp hành, Ban Thường vụ n’hanh Ủy ban kiểm tra ăp xã, phường lôch n’glăp nsum; nkre nchrăp ăp tŏng drăp ndơ, nhih  pah kan.

Ban Thường vụ Tỉnh ủy n’hanh Đảng ủy UBND n’gor Kon Tum ƀư leo âk mpôl hăn ôp uănh ngăn ngăn gay đăp mpăn pah kan dăp rgum nhih pah kan ƀư soih uĕh, mô tăch pruăt nău kan, mô an sŭng dơm ntŭk kan đŏng. Groi Bí thư Rnâng kan Tỉnh ủy Kon Tum Nguyễn Đức Tuy an gĭt, nău tâm pă nuĭh kan ân “di nuĭh, di nău kan”, đăp mpăn di rnoh, tâm di đah nău dơn kan n’hanh ntik n’hao nău way blău kan, săk geh tĭng xã. Nkhêp mô tŏng geh cán bộ, n’gor mbra rgum n’hao, tâm pleh tâm di.