Thủ tướng Phạm Minh Chính n’hanh I ur ndrel mpôl ntơh măt gưl têh Việt Nam hŏ dŭt jêh rêng kan râng Tâm nchră Đại dương Liên hợp quốc tâl 3, ƀư du đêt nău kan bar ding ta Pháp tĭng nău jă bah Tổng Thư ký Liên hợp quốc Antonio Guterres n’hanh Tổng thống Cộng hòa Pháp Emmanuel Macron. Tâm 4 nar ta Pháp, Thủ tướng Phạm Minh Chính hŏ râng ăp rơh hop bah Tâm nchră gưl têh mpeh đại dương bah Liên hợp quốc.

Thủ tướng geh nău lah khlay ntơh măt an Hiệp hội ăp dak Đông Nam Á (ASEAN), nkre nkoch nău mĭn bah Việt Nam mpeh mât ndray n’hanh dŏng jŏ jong dak lêng, ntŭr dak lêng n’hanh ndơ mpêt khlay dak lêng. Thủ tướng hŏ geh ôp srĭng nău đah Tổng thống Pháp Emmanuel Macron; Tâm nchră đah Thủ tướng Pháp Francois Bayrou; Ôp srĭng nău Kuanh Thượng viện Gérard Larcher, Kruanh Quốc hội Pháp Yael Braun-Pivet. Kêng dŭt bah trong hăn khâl dja lah 2 ding hŏ ký ton n’hanh tâm rgâl siƀŭt nchih nkah mpeh mât dŏng jŏ jong tơm loih kông n’hanh ŭnh nar./.