Măng 25/6, ta Thiên Tân, Thủ tướng Phạm Minh Chính geh nar mâp măt ma ƀon lan Việt Nam ta Trung Quốc. Tâm nkoch bri ma kônh wa, Thủ tướng nkoch: Rmôt Việt Nam râng rƀŭn ăp năm ăp nŭih leo trong tal 16 bah nau tâm nchră văng sa lam ntur neh ta Thiên Tân đah nau ƀư “Geh âk nau ngơi, geh âk nau rhơn”, bah nê, lah rjăp nau dăng ndrel nau rnơm bah neh dak nơm. Mpeh nau tâm boh 2 dak, Thủ tướng lah rjăp, Việt Nam ndrel Trung Quốc tâm rgop nsum ma âk rbăn rơh ma aơ, ri ma, ntrŭt dăng nau tâm boh ma Trung Quốc lah nau ueh.

Aơ kŏ lah nau săch nau kan yor Trung Quốc lah du dak têh, dak tâm dăch nơm, nau văng sa têh tal 2 lam ntur neh. Thủ tướng đă ntŭk kan Việt Nam nơm ndrel ƀon lan Việt Nam nơm ta Trung Quốc ân geh bun dăp nau tâm boh lơn ma hun hao ueh, tâm boh “nkre lah đồng chí, nkre lah oh nô”. Ŭch kônh wa nsôih rgop nau ndâk tâm boh “mro ndrih ueh tâm ăp rơh nâp nâl”./.