Kêng măng 15/7, Thủ tướng Chính phủ Phạm Minh Chính n’hanh Kruanh Quốc hội Trần Thanh Mẫn ndrel ƀư tơm Rƀŭn nchră mpeh nău ƀư tĭng Nghị quyết Rƀŭn nchră rơh tal 11, BCH Trung ương Đảng. Ntoh ngơi ta Rƀŭn nchră, Thủ tướng Phạm Minh Chính lĕ nkoch ăp săk rnglăy ntoh lư năm bah năp, lơn lah nău dăp tay rmôt n’gâng kan bah trong chính trị, dăp tay ntŭk kan hành chính n’hanh rmôt kan ƀư tĭng trong n’gâng kan ƀon lan 2 gưl; nchrăp an Đại hội rơh tal 14 bah Đảng; ƀư tĭng ăp Nghị quyết êng bah Bộ Chính trị; ƀư tĭng ăp nău kơl đăp mpăn rêh jêng kơt mô sŏk prăk, n’hŭch prăk nti, jut ngih rông mpông sat...

Thủ tướng Chính phủ mĭn lah, dơi geh ăp săk rnglăy aơ knơm nău tâm rgop uĕh, săk rnglăy đah Quốc hội n’hanh Chính phủ. Đảng ủy Quốc hội, Chính phủ tâm rnglăp, tâm ban ŭch tâm rgop ndrel nuih n’hâm, tâm ban ŭch, tâm ban nuih n’hâm, tâm ban lĕ rngôch. Yor rĭ, đah rmôt nău kan têh yơn lĕ jêh đah uĕh nâp âk.