Nkhêp di râng Rƀŭn nchră ăp năm ăp nuĭh hăn lor rơh tal 16 bah Rƀŭn nchră wăng sa lam ntŭr neh ta Thiên Tân, Trung Quốc, ôi lơ 25/6 (mông ta ntŭk), Thủ tướng Chính phủ Phạm Minh Chính lĕ mâp Thủ tướng Kyrgyzstan Adylbek Kasimalyev.

Thủ tướng Chính phủ Phạm Minh Chính mĭn lah ăp n’gâng kan, nău kan Việt Nam dôl nsrôih mbơh ƀư săk rnglăy ăp tâm ton lĕ dơi Kruanh 2 dak tâm ban ŭch ntrôl tâm rnôk khâl bah Thủ tướng Kasimalyev; tĭng nĕ, Thủ tướng đă 2 ding ntrôl dăng kan ndrel wăng sa, tăch rgâl, boăt nthoi trong ndeh treng đah 2 dak n’hanh tă bah nĕ đah ăp dak nkual Trung Á. 2 ding tâm ban ŭch n’hao tâm rgâl, tâm nchră chính trị jru hvi ta ăp gưl, lơn lah gưl prêh, n’hanh đah Chính phủ, ăp n’gâng kan, nău kan ƀon lan 2 dak; tâm rgop rjăp gay mbơh ƀư săk rnglăy ăp tâm ton lĕ dơi kruanh gưl prêh 2 dak tâm ban ŭch ntrôl; tâm rgop rjăp ntrôl kan ndrel ăp ntil, n’hao tâm wât ndrel đah nuĭh ƀon lan 2 dak.