Ntơm rdâk ƀư trong hăn ngăch Bảo Lộc-Liên Khương mbah rhơn n’gor Lâm Đồng mhe
Thứ năm, 09:53, 26/06/2025 VOV Tây Nguyên/Nuĭh rblang: Y Sưng Phê Ja VOV Tây Nguyên/Nuĭh rblang: Y Sưng Phê Ja
VOV.M’nông – Lâm Đồng dôl rhoăt ndăn nchrăp ăp ndoh ndơ gay ntơm rdâk ƀư nău nchrăp ƀư ntuh kơl trong têh hăn ngăch Bảo Lộc-Liên Khương tâm lơ 29/6 tât.

Lâm Đồng dôl rhoăt ndăn nchrăp ăp ndoh ndơ gay ntơm rdâk ƀư nău nchrăp ƀư ntuh kơl trong têh hăn ngăch Bảo Lộc-Liên Khương tâm lơ 29/6 tât. Aơ lah ngoăy tâm âk bôk nău kan, nău ƀư mbah rhơn ndâk njêng n’gor Lâm Đồng mhe. Trong têh hăn ngăch Bảo Lộc-Liên Khương jong bơi 74 km, nthoi 2 nkual ƀon têh Bảo Lộc đah Đà Lạt, hăn rlău ăp nkuăl Bảo Lâm, Di Linh n’hanh Đức Trọng bah n’gor Lâm Đồng.

Aơ lah trong têh hăn ngăch nthoi đah trong têh hăn ngăch Tân Phú-Bảo Lộc n’hanh Dầu Giây-Tân Phú, nthoi nkual ƀon têh Đà lạt, n’gor Lâm Đồng mhe. Nău nchrăp ƀư geh dĭng lĕ rnoh ntuh kưl (lvang 1) rlău 17.700 rmen prăk, tâm nĕ geh rlău 7.600 rmen prăk bah tơm prăk ngih dak, hôm ƀa ƀă prăk yor nuĭh ntuh kơl rgŏ jă. 2 nuĭh ntuh kơl Công ty TNHH Đầu tư n’hanh Hun hao ntung trong T&T-Công ty cổ phần Đầu tư Tập đoàn Phương Trang FUTA Group-Công ty cổ phần Đầu tư Xây dựng ntung trong Phương Thành dơi geh ndranh rdâk ƀư, đah khlay dơi ndranh bơi 11.924 rmen prăk, năm pơk dŏng-tăch rgâl 19 năm 10 khay. Tĭng trong nchrăp, nău nchrăp ndâk ƀư tâm wăch 30 khay.

 

VOV Tây Nguyên/Nuĭh rblang: Y Sưng Phê Ja

Viết bình luận

TIN CÙNG CHUYÊN MỤC