Thủ tướng Chính phủ Phậm Minh Chính mhe geh công điện njuăl Kruanh n’gâng kan ăp n’gâng kan; Công an, Xây dựng, Lŏ mir n’hanh ntŭk ntô gŭ âm, Công thương; Kruanh Ủy ban Nhân dân ăp n’gor, nkual ƀon têh mpeh tâm Trung ương mpeh mât uănh, đăp mpăn rnoh khlay ndơ ƀư ngih wâl. Công điện nkoch kloh: khay dăch aơ, rnoh khlay du đêt ntil ndơ ƀư ngih wâl, lơn lah ăp ntil choih, lŭ, gạch, ndơ ƀư neh gŭ, ntă neh trong hăn...

Hao âk ndal, ƀư khuch na nê̆ tât prăk ndâk ƀư. Gay ngăch nkra rgâl, nkra ăp nău mô hŏ dơi ƀư, đăp mpăn rnoh khlay ndơ ƀư ngih wâl n’hanh đăp mpăn ngăch ndâk ƀư ăp ndơ dŏng khlay ngih dak, kơt tŏng nău ŭch ndâk ƀư bah nuĭh ƀon lan, Thủ tướng Chính phủ đă ăp n’gâng kan ntrŭt đă, tâm rgop rjăp đah ăp ntŭk uănh nđôi, gĭt ba ƀơ nu nău ntŭk tăch gay nchrăp lor geh trong rhoăt dơh Nghị định ntrŭnh na nê̆ du đêt điều n’hanh trong an dŏng Luật Địa chất n’hanh khoảng sản bah năp lơ 1/7/2025; ndăn kơp uănh, koh n’hŭch dâl ăp samƀŭt hành chính mpeh neh ntu, uănh lah nău khuch ntŭk ntô geh tât nău sŏk joi khoảng sản; N’hao uănh nđôi nău ƀư sŏk joi lŭ choih dơi an ƀư; uănh nđôi, rmal rjăp ăp rmôt kan, êng nuĭh geh nău nklă ntŭk tăch, trong sa khâm tâm nău ƀư nkra njêng, tăch rgâl lŭ choih.