Lơ 20/5, rmôt Văn học Nghệ thuật n’gor Dak Lak rgum ƀư nau tâm rlong nchih “Ntô̆ n’hao tahen biên phòng Dak Lak’, rhơn 50 năm nar ndâk Tahen Biên phòng n’gor Dak Lak (23/5). Jêh rlau 2 khay rgŏ jă, hŏ geh bơi tât 1000 nau râng rlong bah ăp văn nghệ sĩ, cán bộ, tahen tâm ăp Đồn biên phòng, N’gâng kan rđau kan ndrel ăp ngih săm ƀŭt ntĭm nti tâm n’gor râng. Tĭng Rnâng kan, geh nau nchih geh nau blau ueh, nkoch kloh nau rêh, nau kan, ueh tât rup gui tahen biên phòng măng nar kuăn nâp n’gâr phao mât nkuăl neh, rnă njrăng đăp mpăn nkuăl n’har bri, nkre lah ăp nŭih kon tâm dăch nting mham ma ăp rnoi.

Rlet bơi tât 1000 nau nchih rlong bah ăp nŭih geh nau mơng nchih ndrel mhe rlong tâm n’gor, oh Dương Thị Hải Như, kon se nti jrâu 8G, ngih săm ƀŭt THCS Trưng Vương, nkuăl ƀon têh Buôn Ma Thuột, hŏ geh giải Nhất nau tâm rlong đah nau nchih “Dăn njoăl mplay nuih tâm nkuăl n’har bah bri bah kon”./.