Nău ntrŭnh nglăp nsum 2 n’gor Đăk Lăk n’hanh Phú Yên, rhiăng cán bộ, công chức bâh Phú Yên mbra hăn pah kan ta nkuăl ƀon têh Buôn Ma Thuột n’gor Đăk Lăk dơn nău kan . ăp trong kan kơl an mpeh ngih jay gŭ, ndơ hăn nsong dôl geh uănh kơp mbơh ƀư. Na nê̆, lôch nglăp nsum mbra geh klâp ma 1 rbăn cán bộ, viên chức bâh Phú Yên hăn let nkuăl ƀon têh Buôn Ma Thuột, n’gor Đăk Lăk gay ma dơn nău kan. Wa Trương Ngọc Tuấn- Giám đốc sở Nội vụ n’gor Phú Yên- an gĭt, n’gâng kan têh dôl rdâk njêng nău kan kơl mpeh jay gŭ, ndơ hăn nsong gay ma kơl an cán bộ, công chức, nuĭh kan đăp mpăn nău kan. Aƀaơ ăp trong kan kơl an dôl geh uănh kơp na nê̆ gay ma mât đăp mpăn săk rnglăy.