Ôi 21/5, Thủ tướng Chính phủ Phạm Minh Chính wơt wa Châu Gia Nghĩa-Kruanh nkual châu Á-Thái Bình Dương bah Tập đoàn PowerChina ndrel rmôt kan ăp nuĭh ndranh dôl kan ndrel ta Việt Nam. Thủ tướng uănh lah prêh nău geh lam ntŭr neh bah PowerChina, tâm nĕ geh âk nău nchrăp ƀư săk rnglăy ta Việt Nam.

Thủ tướng lah rjăp nău tâm boh dăch dêh, kan ndrel têh hvi lĕ rngôch Việt Nam-Trung Quốc dôl nta nơih an doanh nghiệp 2 dak n’hao kan ndrel ngăn ngên, ndrel nău geh. Thủ tướng mpŏng PowerChina ntuh kơl tay an ăp ntil nău kơt ŭnh nar kloh uĕh, ntung trong, lơn lah trong ndeh treng ƀon têh, kơl lor trong Hải Phòng-Hà Nôi-Lào Cai. Kruanh Châu Gia Nghĩa an gĭt PowerChina lĕ ndâk ƀư rlău 2.000 km trong ndeh treng ta lam ntŭr neh, geh nău blău ơm ndâk ƀư rlău 100 nău nchrăp ƀư ta Việt Nam, nchrăp kan ndrel đah puăn doanh nghiệp Việt gay mbơh ƀư ăp trong ndeh treng khlay.