Ôi 18/5, ta Ngih Quốc hội (Hà Nội), ƀư rƀŭn nchră lam dak mât uănh, mbơh ƀư tĭng 2 nghị quyết bah Bộ chính trị, tâm nĕ geh Nghị quyết 68 mpeh hun hao wăng sa ƀư êng. Nghị quyết 68 geh nău rƀŏng tât năm 2030 n’hanh uănh tât năm 2045 ndơ̆ wăng sa ƀư êng hun hao ngăch, dăng, nâp nâl; nchrăp lor râng trong nkra njêng, pă manh lam ntŭr neh; dơi tâm rlong nkual n’hanh lam ntŭr neh.

Nsrôih tât năm 2045 geh đêt ngăn 3 rkeh doanh nghiệp pah kan, rgop rlău 60% GDP. Ntoh ngơi ta rƀŭn nchră. Thủ tướng Phạm Minh Chính nkoch 8 rmôt nău kan, trong mkra mpơl nuih n’hâm rgâl mhe, hao luh, nkra rgâl têh dăng. Tâm nĕ, lah rjăp nău rgâl mhe nău mĭn, tâm ban ŭch nău wât n’hanh nău ƀư, rdâk hao nău mpŏng ŭch rnoi nuĭh, nta an hun hao wăng sa ƀư êng. Thủ tướng mĭn lah nău đă dŭt n’hâm, geh nkô̆ nău khlay, đă nău tâm ban ŭch bah lĕ trong chính trị, doanh nghiệp n’hanh nuĭh ƀon lan mpeh nău ƀư tơm, ntŭk gŭ bah wăng sa ƀư êng tâm jâng wăng sa.