Ndrel đah lam dak, druh ndăm ăp rnoi nuĭh Tây Nguyên tâm ăp nar rlău aơ geh âk nău kan ngăn ngăn Nkah ndray 135 Nar deh Kruanh Hồ Chí Minh. Ăp n’gor tâm nkual geh 5 tât 6 đại biểu râng Đại hội druh ndăm ntoh lư ƀư tĭng nău Wa tâl VIII ta Nkual ƀon têh Hồ Chí Minh. Nkhêp geh rnôk dja, Tỉnh đoàn Dak Nông ƀư mpư rnê 28 druh ndăm ntoh lư ƀư tĭng nău Wa n’hanh 17 đảng viên mom ntoh lư n’gor Dak Nông lvang năm 2023 - 2025.

Nkhêp geh rnôk dja đŏng, Ban Chấp hành Trung ương Đoàn hŏ ntăm Bằng khen an 2 hê, 1 mpôl n’hanh  Tỉnh đoàn Gia Lai ntăm bằng khen an 5 nuĭh, 5 mpôl yor hŏ geh nău dơi ngăch prăl tâm trong ƀư rdâk njêng ƀon lan  mhe gưl neh dak lvang năm 2021- 2025. Nô Kpuih Rung – Bí thư Đoàn xã Hla, nkuâl Chư Pưh, n’gor Gia Lai an gĭt du đêt nău  kan ta ntŭk:

“Nkah ndray nar deh bah Wa Hồ, Đoàn druh ndăm xã Ia Hla ƀư âk nău kan geh nkô̆ hôr khlay n’hanh ngăn ngă. Na nê̆ Đoàn druh ndăm  kan nsum đah Hội bu ur n’hanh ăp nsum mpôl êng ƀa ƀă ƀư rơh mâp măt sinh hoặt tâm ôp nău tă  ơm gĭt kan mpeh nkô̆ Wa, nkah tay nău way ơm cách mạng , leo ƀư pâl rlưn njroh mprơ văn nghệ thể thao kơt mprơ rnê Wa Hồ n’hanh tâm rlong pah play...Rlău ma nê, ƀư nău  kan kơl êng nuĭh n’hanh kơl ndơ an kon se quet nte,, khâl n’hanh pă nklâm ndơ an kruanh cách mạng ơm, ăp rnăk dơi kơl”.