Nar 20/5, ta nkual ƀon têh Buôn Ma Thuột, ƀư Tâm nchră rlơn lah tay đah trong nchrăp Nghị quyết bah HĐND n’gor Dak Lak mpeh trong ntop kơl doanh nghiệp. Aƀaơ lam n’gor geh nklăp 10.000 doanh nghiệp jê̆ n’hanh dah găp, yơn lơn âk ƀư jê̆, mô dăng geh, mâp jêr jŏt mpeh tơm prăk, công nghệ n’hanh ntŭk tăch rgâl.

Trong nchrăp Nghị quyết gay droh rklaih mpêr n’gar, mbluh soih tơm ndơ, ƀư jêng ngăn ngăn rnoh tât hun hao wăng sa êng bah dih ngih dak jêng suan ntrôl dăng khlay bah jâng wăng sa, nkre an ƀư nuih n’hâm Nghị quyết 68 bah Bộ Chính trị mpeh hun hao wăng sa êng bah dih ngih dak tâm nô nău mhe. Ta tâm nchră, ăp đại biểu rgop mpeh  ăp nkô̆ kơt ntop kơl mbơh nti dŏng nău gĭt blău bôk rngok, ntrŭt ntrôl ngăch tăch rgâl, nău lư nkoch trêng, n’hao dăng tâm nkrêp kan nsum tơm ndơ tăch. Âk nău rgop dăn đă kơi ntop an lor doanh nghiệp ntơm njêng nău kan, rgâl blău ƀư mhe, rgâl mbrô n’hanh ntuh kơl tuch tăm công nghệ mhe.