Ôi 19/5, Groi Bí thư rnâng kan Đảng ủy Chính phủ, Groi Thủ tướng Rnâng kan Nguyễn Hòa Bình tât râng n’hanh geh nău lah ta rnôk Đại hội đại biểu tâl 15, năm kan 2025 – 2030, Đảng bộ Ngân hàng Thương mại Cổ phần Đầu tư n’hanh Phát triển Việt Nam (BIDV).

Lah ta rnôk Đại hội, Groi Thủ tướng Rnâng kan Nguyễn Hòa Bình dăn đă BIDV gŭ mĭn, rblang di, nchroh găl trong nchrăp n’gluh ăp rnoh tât kan, nău dơn kan, trong nkra gay rdâk njêng BIDV jêng du Ngân hàng Thương mại Ngih dak n’gâng tơm têh kuâng, kan nsĭt geh, dăng tâm rlong đah dak bah dih.  BIDV ân tĭng ƀư jăp tay nău khlay kan bah Ngân hàng Thương mại Ngih dak: N’gâng tơm, leo lor têk ndrêng ntŭk tăch rgâl. Nsrôih, lor nchrăp n’hanh an dâk leo ƀư lor tâm nău tĭng ƀư ăp trong nchrăp bah Đảng, Chính phủ, Ngân hàng Ngih dak Việt Nam. Ndăn dŏng lam rêng kan, nău nsing nơm n’hanh tâm boh dak bah dih, rgum âk tơm prăk rhŏ dŏng an hun hao wăng  sa; an ƀư âk bôk nău kan an manh ăp ntŭk nchrăp kan têh, jâng nsing, geh suan rêng lam, ring tam uĕh âk tâm jâng wăng sa.