Ôi (21/5), ta nkual ƀon têh Đà Lạt Groi Thủ tướng Rnâng kan Chính phủ Nguyễn Hòa Bình pah kan đah Ban Thường vụ Tỉnh ủy Lâm Đồng, Bình Thuận n’hanh Dak Nông mpeh tĭng ƀư Nghị quyết tâm nchră tâl 11 bah Ban Chấp hành Trung ương Đảng khóa XIII, nkre đah rdâk njêng, ƀư lôch jêh siƀŭt, pah kan nchrăp nuĭh kan.

Lah ta rơh pah kan, Groi Thủ tướng Rnâng kan Chính phủ Nguyễn Hòa Bình rnê âk nău tâm ban ŭch, tâm rnglăp n’hanh tĭng jăp pah kan rđău đă, kan nsum an tĭng ƀư Nghị quyết tâm nchră tâl 11 bah Ban Chấp hành Trung ương Đảng khóa XIII bah ăp n’gor, lơn lah pah kan nsum tâm trong tĭng ƀư nău n’glăp nsum, dăp rgum nuĭh kan, nchrăp ăp nkô̆ an đại hội Đảng ăp gưl. Mpeh pah kan tâm pă, dăp rgum nuĭh kan lôch n’glăp nsum, Groi Thủ tướng Rnâng kan Chính phủ Nguyễn Hòa Bình lah rjăp: Aơ lah nău dơn kan jăch ndăn, ăp n’gor ân grêt dăch ăp quy định bah Đảng n’hanh Ngih dak gay ƀư di, lhăt, đăp mpăn mbơh kloh rvah. Ân ndơ̆ nkô̆ nău mpeh rnoh di cán bộ dâk hao bôk năp, đăp mpăn rnoh di mpeh nău dơi kan, nsing nơm n’hanh nău tâm ban geh đah ăp n’gor; uănh khlay nău tâm pă cán bộ n’gâng tơm ta gưl xã, tŏng di đah nău ŭch dơn kan mhe.