Trong cao tốc Quy Nhơn - Pleiku, dơi Chính phủ hao rblang dăn Quốc hội uănh an trong nchrăp ntuh kơl, ton pơk soih hvi mpông hun hao wăng  sa- rêh jêng kon nuĭh mhe an ăp n’gor nkual Tây Nguyên n’hanh Duyên hải Nam Trung Bộ. Nchrăp ƀư trong cao tốc Quy Nhơn - Pleiku geh lĕ rngôch rnoh jong nklăp 125 km, ntơm bôk bah Quốc lộ 19B, bôk tơm lah thị xã An Nhơn, n’gor Bình Định n’hanh dŭt ta trong Hồ Chí Minh ta nkual ƀon têh Pleiku, n’gor Gia Lai.

 Lĕ rngôch rnoh âk ntuh kơl bah trong nchrăp rlău 43.500 rmen prăk; nchrăp ntơm pah ƀư tâm năm aơ, lôch jêh tâm năm 2029. Nchrăp ƀư trong cao tốc Quy Nhơn - Pleiku dơi mpŏng mbra nsĭt tay âk nău rgâl uĕh n’hanh n’hao dăng tâm ntêng lêng nkual. Nuĭh ƀon lan Gia Lai, ăp doanh nghiệp nchuăn rdeng, n’hanh n’gâng kan ta ntŭk mpơl nău ŭch rŏng Quốc hội ơm uănh an trong nchrăp ntuh kơl gay trong nchrăp kan mbra an ƀư di rnoh ngăch, tŏng di đah nău mpŏng hun hao wăng sa- rêh jêng kon nuĭh nkual Tây Nguyên n’hanh Duyên hải Nam Trung Bộ.