Ôi 20/5, ta Nhih pah kan Trung ương Đảng, Tổng Bí thư Tô Lâm hŏ wơt wa Lazare Eloundou Assomo, Giám đốc Ntŭk rgum kan drăp ndơ ơm yău bah UNESCO. Tổng Bí thư mpơl nău lah uĕh n’hanh rnê âk ăp nău rgop bah wa Assomo tâm nău mât ndray n’hanh ntik n’hao drăp ndơ ơm yău ntlơi an tay văn hóa ta Việt Nam.

Tổng Bí thư lah rjăp, Việt Nam mbra lăp rgum jru hvi tâm nău rêh lam ntŭr neh, rgop tâm nău đăp mpăn, hun hao nâp dăng n’hanh tâm boh lam ntŭr neh. Việt Nam mbra nkoch nău tă ơm gĭt mât ndray ndơ ơm yău ntlơi an tay n’hanh nsrôih râng tâm ăp nău kan bah UNESCO. Tổng Bí thư dăn đă Ntŭk rgum kan drăp ndơ ơm yău ntlơi an tay lam ntŭr neh ndrel hăn Việt Nam tâm nkơnh n’hơ rnoh khlay văn hóa n’hanh ƀư wat jêh hồ sơ rdâk tay Điện Kính Thiên ta ntŭk têl ơm yău Hoàng Thành Thăng Long, ơm hao rblang dăn UNESCO mĭn uănh, kơp dơm.