Tâm trong pah kan, ăp đại biểu rgum tâm rkhăch tay, an nău rgop mpeh siƀŭt nchrăp rgâl nkra, kơi ntop Luật MTTQ Việt Nam, Luật Công đoàn, Luật druh ndăm, Luật Tĭng ƀư geh nău tâm ban tâm dâng. Nkre, tâm nchră mĭn uănh trong nchrăp mbơh rgum nău rgop, nău dăn đă bah cử tri n’hanh Ƀon lan njuăl tât Rơh hop tâl 9, Quốc hội khóa XV. Ta tâm nchră, ntơh măt Chính phủ mbơh nău lư du đêt nkô̆ geh tât nău n’glăp nhih pah kan gưl n’gor, ntlơi gưl nkuâl n’hanh dăp rgum tay gưl xã. Lah ta rnôk ntơm pơk, Kruanh Ủy ban Trung ương MTTQ Việt Nam Đỗ Văn Chiến dăn đă ăp nuĭh ntơh măt ntik n’hao nău tâm ban, nău rgop dơn kan gay ƀư wat jêh ăp siƀŭt hao rblang dăn gưl geh nău dơi kan mĭn uănh, n’glêh an. Ta tâm nchră, groi Thủ tướng Nguyễn Chí Dũng hŏ mbơh gĭt du đêt nkô̆ mpeh nô nău wăng sa- rêh jêng kon nuĭh bah neh dak, nău n’glăp du đêt nhih  pah kan gưl n’gor, mô ƀư n’gâng kan gưl nkuâl, n’glăp tay nhih pah kan gưl xã.