Ôi 15/4, ta nkual ƀon têh Phan Rang-Tháp Chàm, UBND n’gor Ninh Thuận ƀư nkah gĭt 50 năm Nar rklaih đăp mpăn. Râng n’hanh ntoh ngơi ta nar ƀư, Groi Thủ thướng Chính phủ Nguyễn Chí Dũng lah rjăp, lơ 16/4/1975 lah têl ang tâm lịch sử njrăng n’gang cách mạng bah Đảng bộ, tahen n’hanh ƀon lan Ninh Thuận-play neh janh dăng, dŭt n’hâm, dơi an ndơ nkhôm “Anh hùng lực lượng vũ trang nhân dân”.

Jêh rklaih đăp mpăn, rlet rlău jêr jŏt n’hanh trôk nar m’ha êng, Ninh Thuận ntơm hao. Bah du n’gor ach o, aƀaơ Ninh Thuận lĕ dơi geh hao, hao jêng geh 8,74%, tâm rmôt âk bah lam dak. Groi Thủ tướng đă n’gor mât uĕh tay nău way ơm, ntrôl dăng rgâl mhe, dŏng ndơ geh âk, rgâl nkual neh “duh kơt pâr, sial kơt tap” jêng nkual neh hun hao nâp nâl, ƀư săk rnglăy dơh ngăch n’gâng kan, ndâk njêng n’gâng kan 2 gưl tĭng trong ƀư, rƀŏng tât Đại hội Đảng lam dak rơh tal 14.